គម្រោងរៀបចំប្លង់បឹង White Center Ponds ឡើងវិញ

សូមជួយរៀបចំប្លង់ White Center Ponds ដើម្បីបង្កើតកន្លែងមានសុវត្ថិភាព ដើម្បីឲ្យមនុស្សគ្រប់គ្នារីករាយក្នុងសកម្មភាពនៅក្រៅ។

សូមប្រាប់យើងអំពីគំនិតរបស់អ្នក!

ក្រុមរៀបចំប្លង់របស់យើងកំពុងចូលរួមក្នុងកិច្ចប្រជុំ និងព្រឹត្តការណ៍សហគមន៍នៅទូទាំង White Center។ តើអ្នកមានកិច្ចប្រជុំដែលអ្នកចង់ឲ្យយើងចូលរួមដែរឬទេ? សូមមេត្តាអញ្ជើញយើងឲ្យចូលរួម!

គោលដៅរៀបចំប្លង់៖

• បង្កើតកន្លែងដែលមនុស្សគ្រប់គ្នាក្នុងសហគមន៍អាចសប្បាយរីករាយ និងយល់ថា មានសុវត្ថិភាព។
• ង្កើនសុវត្ថិភាព និងពង្រឹងលទ្ធភាពប្រើប្រាស់សម្រាប់អ្នក ថ្មើរជើង។
• បង្កើនឱកាសកម្សាន្ត និងលទ្ធភាពប្រើប្រាស់ ទីធ្លាព៌ណបៃតង ។

ឱកាសប្រាប់យើងឲ្យដឹងអំពីការគិតរបស់អ្នក៖

• សិក្ខាសាលារៀបចំប្លង់ (កាលបរិច្ឆេទ TBD)
• សំណួរស្ទង់មតិរបស់ King County Engagement Hub

ទីតាំង

បឹង White Center Ponds មានទីតាំងនៅខាងកើតទីប្រជុំជន White Center និងខាងលិចពី Greenbridge។ ទីតាំងនេះលាតសន្ធឹងពីផ្លូវ Southwest Roxbury Street ដល់ផ្លូវ Southwest 100th Street ហើយនៅចន្លោះផ្លូវ 11th និង 12th Avenue Southwest

ប្រវតិ្ត

បឹង White Center Ponds គឺជាតំបន់ ដីសើម និងជាបឹងស្តុកទឹក ភ្លៀង ដែលរៀបចំប្លង់ឡើង ដើម្បីប្រ មូល និងសម្អាតទឹក ភ្លៀង។ ដោយប្រមូលទឹកភ្លៀងហូរពីផ្លូវ និងចិញ្ចើមផ្លូវ សារធាតុបំពុលត្រូវការពេលវេលាដើម្បីធ្លាក់ដល់បាតបឹង ដែលបុគ្គលិកថែទាំអាចយកសារធាតុបំពុលនោះចេញបាន។ រុក្ខជាតិដែលលូតលាស់នៅជុំវិញបឹង ទាញយកសារធាតុបំពុល និងសារធាតុចិញ្ចឹមចូលក្នុងឫស។ រុក្ខជាតិដែលលូតលាស់នៅក្នុងទឹក ក៏ចាប់សារធាតុស្អិត ដូចជាប្រេង និងខ្លាញ់ ហើយបង្ការកុំឲ្យសារធាតុទាំងនេះហូរចូលទៅផ្ទៃទឹកនៅខាងក្រោមផងដែរ។ បន្ទាប់មក ទឹកស្អាតជាងមុននេះ ត្រូវបង្ហូរចូលទៅក្នុងបឹង Mallard Lake និង បឹង Hicklin Lake នៅក្នុងឧទ្យាន Dick Thurnau Park រួច ហូរទៅ តំបន់ Salmon Creek ហើយហូរចូលទៅក្នុងឆ្នេរសមុទ្រ Puget Sound។

តើមានបញ្ហាអ្វីខ្លះ?

តំបន់ White Center កំពុងក្លាយជាតំបន់កាន់តែអភិវឌ្ឍថែមទៀត។ ពេលមានផ្លូវថ្នល់ ផ្លូវដើរ និងអាគារបន្ថែម នោះមានន័យថា មានដី និងរុក្ខជាតិកាន់តែតិច ដែលអាចស្រូបយកទឹកភ្លៀងបាន។ ទឹកភ្លៀងហូរលើផ្លូវថ្នល់ និងផ្លូវដើរ ហើយហូរឆ្លងកាត់លូបង្ហូរទឹកចូលទៅក្នុងបឹងស្តុកទឹកភ្លៀង។ បរិមាណទឹកភ្លៀងច្រើនពេកអាចជន់លិចផ្លូវក្នុងសង្កាត់ ហើយនាំឲ្យមានការបំពុលទឹកបឹង និងទឹកអូរ។

គុណភាពទឹកនៅលើផ្ទៃខ្សែទឹកខាងក្រោមនៅបឹង Hicklin Lake (Lake Hicks) មានគុណភាពមិនល្អជាច្រើនឆ្នាំមកហើយ។ សារាយបំពុល បានបណ្តាលឲ្យគេបិទបឹងជាញឹកញាប់ ហើយបឹងធ្លាប់ទទួលរងផលប៉ះពាល់ដោយសារតែកម្រិតខ្ពស់នៃ សារធាតុផូស្វ័រ និងបាតេរី (បាតេរីខូលីហ្វម)។ បើទោះបីជាការសម្អាតទឹកមុនៗ ដោយប្រើសារធាតុអាលុយមីញ៉ូមសុលហ្វាត ទទួលបានជោគជ័យខ្លះៗក៏ដោយ ក៏ប៉ុន្តែបរិមាណសារធាតុបំពុលកម្រិតខ្ពស់នៅតែបន្តជាបញ្ហា។ នេះមានន័យថា ជារឿយៗ ការហែលទឹកក្នុងបឹងគ្មានសុវត្ថិភាពទេ វាបង្កគ្រោះថ្នាក់ចំពោះសត្វចិញ្ចឹម ហើយបឹងមិនផ្តល់ទីជម្រកល្អសម្រាប់បក្សីឬសត្វដទៃទៀត។

បឹង White Center Ponds គឺជាតំបន់សាធារណៈ និងជាតំបន់ធម្មជាតិ ប៉ុន្តែមនុស្សជាច្រើននាក់ជៀសវាងតំបន់នេះ ដោយសារតែក្តីកង្វល់អំពីសុវត្ថិភាព។ តំបន់នេះងងឹតខ្លាំងនៅពេលយប់។ ព្រៃក្រាស់ពិបាកមើលមិនធ្លុះ និងផ្តល់ជាគម្របសម្រាប់បោះជំរុំ ជាពិសេស ពេលបឹងរីងស្ងួតក្នុងរដូវក្តៅ។ ជារឿយៗ ការិយាល័យតម្រួតប្រចាំតំបន់ King County ត្រូវបានគេហៅឲ្យទៅត្រួតពិនិត្យមើល តំបន់នោះ ទាំងខាង ក្នុង និងជុំវិញបឹង ដោយសារតែសកម្មភាពខុសច្បាប់។

ផ្លូវលំតាមបណ្តោយច្រាំងខាងលិចនៃបឹង White Center Ponds។

តើនឹងមានការផ្លាស់ប្តូរអ្វីខ្លះដោយសារការរៀបចំប្លង់ឡើងវិញនេះ?

បឹងដែលបានរៀបចំប្លង់ឡើងវិញ នឹងស្តុកទឹកពេញមួយឆ្នាំ ហើយកាន់តែងាយក្នុងការមើលធ្លុះព្រៃឈើ។ ក្រុមការងាររៀបចំគម្រោងនឹងពិចារណាបន្ថែមប្រព័ន្ធបំភ្លឺ ដើម្បីឲ្យទីតាំងកាន់តែមានសុវត្ថិភាពនៅពេលយប់ ហើយក៏នឹងបន្ថែមចំណុចផ្សេងទៀតផងដែរ ដើម្បីលើកទឹកចិត្តឲ្យសហគមន៍ប្រើប្រាស់ទីតាំងនេះកាន់តែច្រើនឡើង។ តើអ្នកមានគំនិតយោបល់អំពីរបៀបយើងអាចធ្វើឲ្យតំបន់ជុំវិញបឹងល្អប្រសើរឡើងដែរឬទេ?

• តើនឹងត្រូវមានអ្វីខ្លះ ដើម្បីឲ្យអ្នកយល់ថា មានសុវត្ថិភាពនៅបឹង White Center Ponds?
• តើយើងអាចបន្ថែម ឬផ្លាស់ប្តូរអ្វីខ្លះ ដែលអាចធ្វើឲ្យអ្នករីករាយក្នុងការទៅលេងនៅបឹង White Center Ponds?
• តើចំណុចណានៃបឹង White Center Ponds នាពេលបច្ចុប្បន្ន ដែលអ្នកចង់ឲ្យយើងរក្សាទុកនៅដដែល?

គម្រោងរៀបចំប្លង់ឡើងវិញនេះនឹងធ្វើឲ្យបឹងនានាមានទំហំកាន់តែធំ ដែលនឹងធ្វើឲ្យបឹងទាំងនោះស្តុកទឹកបានច្រើនថែមទៀត។ លទ្ធផលគឺ នឹងមានគ្រោះទឹកជំនន់ក្នុងសង្កាត់កាន់តែតិច ក្នុងអំឡុងពេលព្យុះភ្លៀងខ្លាំង។ ទឹកបឹងក៏កាន់តែធំ ហើយរក្សា ទឹកភ្លៀងឱ្យស្ថិតនៅក្នុងបឹងកាន់តែយូរផងដែរ។ នេះនឹងជួយបំបាត់សារធាតុបំពុល ហើយឲ្យរុក្ខជាតិស្រូបយកទឹក។ នេះមានន័យថា ទឹកកាន់តែស្អាត ហូរទៅក្នុងបឹង Hicklin Lake, Salmon Creek និង Puget Sound។

បើជីកពង្រីកបឹង មានន័យថា គុម្ភឈើ និងដើមឈើមួយចំនួននៅទីនោះ នឹងត្រូវកាប់ និងគស់ចេញ។ ប្លង់ថ្មីនឹងកំណត់អាទិភាពលើការរក្សាទុកដើមឈើធំៗដែលមានស្រាប់នៅទីនោះ តាមដែលអាចធ្វើបាន ។ ដើមឈើធំៗមួយចំនួន នឹងត្រូវរក្សានៅលើកោះចំកណ្តាលបឹង។ មើលទៅហាក់បីដូចជា បឹងដែលរៀបចំប្លង់ឡើងវិញ មានទីតាំងនៅខាងត្បូងគម្រោងនេះ នៅចន្លោះផ្លូវ Southwest 100th និងផ្លូវ Southwest 102nd ។ រុក្ខជាតិដើម នឹងត្រូវដាក់ដាំ បន្ទាប់ពីការសាងសង់រួច ដើម្បីផ្តល់ទីជម្រកដល់សត្វល្អិត បក្សី និងសត្វផ្សេងទៀត។

ទីធ្លាចំហរនៅចុងខាងជើងទីតាំង មើលពីទិសឥសាន្តពីផ្លូវ 12th Avenue Southwest។

រយៈពេលរៀបចំគម្រោង

ចំណុចសំខាន់នៃគម្រោង	កាលបរិច្ឆេទ
ការសិក្សាលទ្ធភាព ត្រូវបញ្ចប់	រហូតដល់ខែឧសភា ឆ្នាំ 2022
បញ្ចប់ដំណើរការវាយតម្លៃផលប៉ះពាល់បរិស្ថាន (SEPA)	ចុងឆ្នាំ 2022
ការបញ្ចប់ដំណាក់កាលរៀបចំប្លង់	ដើមឆ្នាំ 2024
គោលដៅសាងសង់	រដូវក្តៅ ឆ្នាំ 2024

សំណួរ ឬយោបល់

សូមទាក់ទង Marta Olson, អ្នកគ្រប់គ្រងគម្រោង

206-263-3653

ជំនួយភាសា

English

Interpretation and translation services are available to you at no cost. If you need them, please contact us at Marta Olson or 206-263-3653.

Spanish: Español

Hay servicios de interpretación y traducción a su disposición sin costo alguno. Si los necesita, póngase en contacto con nosotros mandando un correo electrónico a Marta Olson o llamando a 206-263-3653.

Vietnamese: Tiếng Việt

Các dịch vụ thông dịch và biên dịch được cung cấp cho quý vị hoàn toàn miễn phí. Nếu quý vị cần những dịch vụ này, vui lòng liên lạc với chúng tôi theo địa chỉ Marta Olson hoặc số điện thoại 206-263-3653.

Somali: Af Soomaali

Adeegyada fasiraadda iyo turjumidda adiga ayaa diyaar kuu ah oo lacag la'aan ah. Haddii aad u baahan tahay, fadlan nagala soo xiriir Marta Olson ama 206-263-3653.

Khmer: ភាសាខ្មែរ

សេវាកម្មបកប្រែផ្ទាល់មាត់ និងបកប្រែឯកសារមានផ្ដល់ជូនអ្នកដោយឥតគិតថ្លៃ។ ប្រសិនបើអ្នកត្រូវការសេវាកម្មទាំងនេះ សូមទាក់ទងយើងតាមលេខ Marta Olson ឬ 206-263-3653.

Amharic: አማርኛ

የአስተርጓሚ እና የትርጓሜ አገልግሎቶችን ያለ ምንም ክፍያ በነጻ መግኘት ይችላሉ። ከፈለጓቸው ፣ እባክዎን በ Marta Olson ወይም በ 206-263-3653።

Tigrinya: ትግርኛ

የአስተርጓሚ እና የትርጓሜ አገልግሎቶችን ያለ ምንም ክፍያ በነጻ መግኘት ይችላሉ። ከፈለጓቸው ፣ እባክዎን በ Marta Olson ወይም በ 206-263-3653።

Traditional Chinese: 繁體中文

我們可以免費為您提供口譯和書面翻譯服務。如有需要，請於2023 年 5 月 31 日前電郵至 Marta Olson  或致電 206-263-3653.

ឯកសារគម្រោង

• ត្រូវបិទផ្សាយក្នុងអំឡុងដំណើរការវាយតម្លៃផលប៉ះពាល់បរិស្ថាន (SEPA)